Delhi nawhchi zawrhna hmun aṭangin mi 23 chhan chhuak

Delhi police-te chuan, nimin Pathianni khan Paharganj huam chhunga nawhchi zawrhna hmun luh chhuahin hmeichhia 23 an chhan chhuak. Heng chhanchhuah zingah hian Nepali mi leh sa 10 leh kum tlinglo pathum an tel niin Official chuan tarlang.

Paharganj Police Station, Shardhanand Marg Police Post leh Himmatgarh Police Post-te'n thawk hoa beihpui an thlaknaah hian mihring hmanga sumdawnnaa in hnamhnawih mi pasarih an man bawk.

"Hriattirna leh enthlakna te kalpui a nih hnuah, police-te chuan danloa nawhchi zawrhna hmun chu a hre chhuak a ni. Henga inhnamhnawih man te hian West Bengal, Nepal, leh state hrang hrang aṭangin tihhluihna hmangin hmeichhia an man khawm ṭhin a ni" tiin senior police officer chuan a sawi.

Nawhchi zawrhna hmunah hian an mahni dawr tur anga lemchang chu tirhchhuah a nih hnuah, heng hmunte hi luhchhuah theih a ni ta a ni. Heng danloa nawhchi zawrhna hmuh chhuahte a hmeichhiate hi hmun hrang hranga hotel-ah scooter hmangin hruai darh ṭhin an nih thu police chuan an tarlang bawk.