Helpawl tawmbuk luh chhuah a ni

Sipai hmalaknain, nimin Pathianni khan Jammu and Kashmir leh Chhattisgarh-ah te helpawl inkhuarna, an tawm buk luh chhuah niin ralthuam ṭhahnem tak man a ni. Helpawl tawmbuk luhchhuah J&K-a mi hi Doda district-ah leh Chhattisgarh-a Sukma district-ah te niin police chuan an tarlang.

Chhattisgarh-a helpawl luhchhuahna hi Central Reserve Police Force (CRPF) hnuaia pawl chak bik CoBRA(Commando Battalion for Resolute Action) te leh district force te hmalakna aṭanga man chhuah an ni, Sukma district-ah hian helpawl inkhuarna hmun hnih luhchhuah a ni. J&K-a helpawl tawmbuk luhchhuah hi, Special Operation Group(SOG)-a local police leh Bharla ramngawa sipai awm te thawh dunna kaltlanga hmalakna a ni bawk.

J&K-a beihpui thlaknaah hian, Pistol leh a magazine pathum leh AK assault rifle six round leh 25 round-te man niin, mihring man an nilo thung; hetih lai hian police, sipai leh CRPF-te chuan Kishtwar district-a Gurinal, Thathri leh Chatroo ramngawahte beihpui an thlak zui bawk.

Chhattisgarh beihpui thlaknaah hian, single-barrel muzzle-loading rifles paruk, 12-bore rifles pahnih, tualchher silai, barrel grenade launcher (BGL) puak mai thei 20, bomb tih puahna 12, tualchher bomb, Maoist uniform leh hmanraw hrang hrang man tel niin, mihring man an nilo ve tho a ni.