India mi Qatar-a hren mek tan Embassy-in theih angin hma la dawn

India mi leh sa Amit Gupta chu diklo taka data tichingpena puh niin Qatari thuneitu ten an hreng mek niin Inrinni liam ta khan tarlan a ni. Gupta hi Qatar-a IT company Tech Mahindra-ah senior employee niin a thawk mek a, kumin January 1 daih tawha man a nih thu a nu Pushpa Gupta chuan a sawi.

Qatar-a hren tawk mek tan hian India Embassy chuan a theih ang angin hmala in, a chhungte leh Qatar thuneitute nen an inbiak pawh reng thu embassy chuan an tarlang bawk. Hetih laiin Gupta pa chuan a fapa hren a nih chungchangah hian Qatar state security-te chu mawhphurtu niin a sawi, Gupta chhungte hian thiamlohna a neihloh thu an tarlang bawk.

Kum 2022 hnua India mi Qatar-a hren a nih leh vawikhatna niin, 2022 khan Indian Navy officer pariat chu hren an lo ni tawh a ni. Heng mi hrente hi 2023 khan thi turin Qatar court chuan an chungthu relin, Qatari Emir thupek hmangin February 2024 khan chhuah zalen an ni leh ta a ni.