RBI-in Indranil Bhattacharyya chu executive director atan ruat

Reserve Bank of India(RBI) chuan nimin Ningani khan, Executive Director atan Indranil Bhattacharyya chu an ruat thu an sawi. Executive Director(ED) hian Department of Economic and Policy Research hna a chelh dawn niin RBI thuchhuah chuan tarlangin appointment hi March 19 aṭangin hman ṭan a ni.

Indranil hi a hna thar Executive Director-a a kaisan hma hian, RBI hnuaiah tho hian Monetary Policy Department Advisor hna a thawk thin a ni. RBI-ah hian Department of Economic and Policy Research leh International Department of RBI hnuaiah kum 30 dawn chu heng monetary policy, fiscal policy, banking, leh international economic kaihhnawihahte hna alo thawk tawh ṭhin bawk.

RBI executive director thar hian Jawaharlal Nehru University, New Delhi aṭangin Economics subject-ah postgraduate degree a nei a, monetary theory and policy, financial markets, market microstructure leh fiscal policy-ah te research a lo bei tawh niin central bank chuan an tarlang. Indranil hian Doha, Qatar-ah kum nga chhung Qatar Central Bank technical office-ah economic expert hna a chelh tawh bawk a ni.