India-ah New Zealand PM Luxon lo zin dawn

New Zealand prime minister Christopher Luxon chu ni nga chhung cham turin March 16-ah a rawn zin dawn a, Prime Minister a nih hnuah India a tlawh vawi khatna tur a ni.

Luxon hi prime minister Narendra Modi nen inkawmin ram pahnihte inkar tih hmasawnna tur hrang hrang bakah, insumdawn tawnna leh investment lama thawh dunna tur an sawi nghal ang. Luxon hi Raisina Dialogue vawi 10-na hawnna hun, March 17-a New Delhi-a neih turah khuallian a nih dawn bakah thu pawh a sawi dawn niin Ministry of External Affairs chuan a tarlang.

New Zealand PM hi minister, senior official, sumdawng hotu, media lam leh India mi cheng ten an rawn zui dawn a, Mumbai pawh a tlawh tel dawn a ni. PM Luxon leh PM Modi te hian hun rei tak ram pahnihte thawh dunna an lo neih tawh tih ngheh zualna tur leh, mipui leh mipui in pawh tawnna tur chungchangte an sawi dun dawn a ni.