Hindu temple suasam chungchangah hma la turin US phut

India sorkar chuan Pathianni khan California, US-a Hindu temple suasamna thleng chungchangah US sorkar chu khauh taka hma la a, chhuichianna mumal tak nei turin a phut. Hindu temple suasam hi Shri Swaminarayan Mandir niin, California-a Chino Hills-a awm a ni.

Pawikhawihna thleng avang hian sorkar laipui chuan Hindu sakhua biakna hmunahte chuan venhimna mumal tak dah turin a phut bawk. External Affairs Ministry thupuangtu Randhir Jaiswal chuan,"Chino Hills, California-a Hindu temple suasam a nih thu kan hriat chuan min ṭhawng hle a, pawikhawihtute chu kan dem takzet bakah an chungah na taka hma lak kan phut tlat a ni" a ti.

Ram danga Hindu temple awm hi tun hnaiah lo pawh suasam leh rawk an lo ni fo tawh. Heng thil thleng vang hian Coalition of Hindus of North America (CoHNA) chuan Hinduism chunchang zirtira hrilfiah tur pawl a lo din hial tawh a ni.

CoHNA hian tun hnaia thil thleng vang hian kum eng emaw zat liamtaa temple suasam tawk 10 an tarlang bawk. US-a state hrang hrangah hian Hindu centre pakhat aia tam awm ang niin, California hi a tam berna a ni a, centre 296 a awm.