Sudan ramah damdawi ton 2 thawn

India chuan tualchhung indona thlenna, Sudan ramah nunna chhanhimna atana pawimawh damdawi mamawh zual ton hnih a thawn. A damdawi thawn zingah hian cancer damdawi pawh a tel.

Ministry of External Affairs chuan thuchhuah a siamah, Indian Coast Guard lawng hmangin Sudan-ah hian damdawi hi thawn a nih thu sawiin, Zirtawpni liam ta khan lawng hian Djibouti an pan a ni. Sudan-a tualchhung buaina hi kum hnih chuang ni tawhin, he buaina nghawngah hian Sudan, South Sudan leh Chad-ah mi mtd 25 chuangin damdawi lama inenkawlna bakah ei leh in lam thlengin harsatna an tawh phah a, an zinga mi mtd 17 vel chu Sudan ram mi an ni.

India hian thla hmasa khan thlipui tuartu, Honduras ram tan chhawmdawlna ton 26 a lo thawn thawh bawk. A thil thawn zingah hian damdawi lam hmanrua hrang hrang bakah blanket, sleeping mat leh hygiene kit te a tel. January 27 khan Iraq-a Kurdistan bialah damdawi lam chhawmdawlna tur hi a lo thawn tawh bawk. A hma pawhin Iraq mipuite chhawmdawlna tur hi a lo thawn fo tawh a ni.