ED-in 'real estate project' kaihhnawihah hmun 12 dap

Enforcement Directorate (ED) chuan nimin, Zirtawpni khan WTC Builder, Bhutani Group leh mi dang 'real estate project'-a Rs vbc 1,000 khawih chingpenna thleng kaihhnawihah hmun 12 an dap.

Agency hian Delhi, Noida, Faridabad, leh Gurugram-a hmun 12-ah dapchhuah beihpui an thlak. "WTC group hian project eng emaw zat Faridabad, Noida leh hmun dang dangah an nei a, hengah hian Rs vbc 1,000 hu pawisa chu bum awltak investor (gullible investor)-te hnen aṭangin hnathawhna atan khawn a ni. Mahse heng an thil khawn hian kum 10-12 liamta chhung khan project thawh engmah a awm lo," tiin ED chuan a sawi.

Official-te tarlan danin First Information Report (FIR) chu Faridabad Police leh Delhi Economic Offences Wing hnenah WTC Builder, Bhutani group leh midang inhnamhnawihte lakah hian vawi tam tak thehluh a lo ni tawh a ni. Nimina an beihpui thlaknaah hian hma lak ngaihna tur engmah hmuh chhuah a ni lo niin an tarlang bawk.