Pune Police-in pawngsualtu lumanah Rs nuai 1 pe dawn

Pune Police chuan nimin Ningani khan, Swargate bus station-a state transport bus chhunga hmeichhe kum 26 mi pawngsualtu awmna chin leh chanchin kimchang hria hnenah Rs nuai khat pek an tiam.

Pune police commissioner Amitesh Kumar chuan pawikhawihtu luman an siam thu hi puangin nghal ni mah se a awmna chin hriat a la ni lo tih a sawi. Pawngsual tawktu hian nunna chan loin hliam lian tham a tawk lo bawk niin police lam hian an tarlang.

Pawikhawihtu Dattatray Ramdas Gade(37) hian tunkar Thawhlehni zing khan Swargate bus station-a state transport bus-a chuang hmeichhe pakhat a pawngsual a, a tlanchhe zui nghal niin an sawi. Gade hian thubuai eng emaw zat a nei mek a, kum 2019-a a thubuai neih lai aṭangin bail-a chhuah lailawk a nih thu police lam hian an sawi.

Heng pawikhawihna thleng vang hian, Maharashtra-a rorel lai BJP chu eptu pawl lamin an bei a, state chhungah hmeichhe himna leh ralmuanna ṭha tawk a pe thei lo niin an sawi.