AAP-in Ludhiana West by-election atan Sanjeev Arora thlang

Aam Aadmi Party(AAP) chuan an party Rajya Sabha member nilai, Sanjeev Arora chu Punjab-a Ludhiana West bial-a assembly by-election awm turah candidate atan an thlang. Thla hmasa khan bialtu, AAP MLA Gurpreet Gogi a thih avangin a seat hnawh khatna atan by-election hi neih a ni dawn a ni.

Arora hi kum 2022 khan Rajya Sabha MP atan Punjab aṭanga thlan a ni a, by-election lo awm turah hian hnehna a chang a nih chuan Rajya Sabha aṭang hian a in hnuhdawh a ngai ang. He ruahmanna awm vagn hian Delhi inthlana hnehna chang zo ta lo, AAP national convenor ni bawk Kejriwal chuan Arora seat ruak hi a chuh rin a ni bawk. AAP hian tun dinhmunah Punjab aṭangin Rajya Sabha member pasarih an nei mek a ni.

Sanjeev Arora hi kum 61 mi niin Bachelor of Commerce chu SCD Government College, Ludhiana-ah a zir a, a pa Pran Arora din garment and knitwear business chu Ritesh Properties and Industries Limited (RPIL) tiin Sanjeev Arora kaihhruaina hian thlak a ni zui. RPIL chuan huang zauhin real estate, housing, industrial, leh commercial project te an khawih tel tawh a ni.