Kharge-in scholarship chungchangah BJP sorkar dem

Congress president Mallikarjun Kharge chuan nimin, Thawhlehni khan BJP sorkar chuan dik lo takin ṭhalai zirlai tam tak - SC, ST, OBC leh hnam hnuaihnung zawkte scholarship lak tur hmang heuah a puh. Chu mai ni loin au hla atana hman,"Sabka Saath, Sabka Vikas" chuan mi hnuaihnung zawkte a huam lo niin a sawi.

Kharge chuan ṭhalaite tan hnathawh tur eng tin nge tih pun a nih theih ang tih zawtin, heng zirlai hnuaihnung zawk ten huaisen taka an thiamnate an pholan theihna tur hna siam a ṭul tih a sawi. "Narendra Modi kaihhruai sorkar chuan ramchhunga SC, ST, OBC leh mi hnuaihnung zawkte chanpual scholarship a hman sak a ni" tiin X ah a tarlang.

Statistic aṭanga a lan danin, Modi kaihhruai sorkar chuan kum tinin SC, ST, OBC leh mi hnuaihnung zawkte chan pual, scholarship fund ruahman thin aṭangin 25% laia tih hniam a nih thu Kharge hian sawi. Heng data aṭang hian sorkar hmalak dan chu thil zakthlak tak a nih thu a sawi.

"Hnam hnuaihnung zawk zirlai ten ramchhungah an thiamna mila hun remchang an neih theih loh chuan, eng angin nge ramchhungah hnathawh tur a pun theih ang" tiin auhla an siamte chuan mirethei leh hnuaihnung zawk a thleng pha lo a ni tiin a sawisel.