PM-in obesity dona campaign puitu tur ruat

Prime minister Narendra Modi chuan hriselna lam harsatna thlen thei dona kawnga hma la tura mipuite a fuih aṭanga ni khat hnu, Thawṭanni February 24, khan Jammu and Kashmir chief minister Omar Abdullah, sumdawng hausa Anand Mahindra leh actor Mohanlal-te bakah midang 10 chu thau lutuk (obesity) dona kawnga zirtirna beihpui thlakpui turin a ruat.

PM Modi chuan X kaltlangin,"Heng mite hi thau lutuk(obesity) dona tichak tura min puitu tur leh, ei tur siamna atana hriak hman tlem dan tur chungchanga hriatna leh zirtirna thehdarh kawnga min pui turin ka ruat a ni. Kan movement a len zel theih nan mi dang 10 ṭheuh thlang chhuak ve leh turin ka ngen bawk a ni," a ti.

Thau lutukna do kawnga hma la tura ruat dang te hi - Bhojpuri singer-actor Nirahua, shooting champion Manu Bhaker, weightlifter Mirabai Chanu, Infosys co-founder Nandan Nilekani, actor R. Madhavan, singer Shreya Ghoshal leh philanthropist leh MP ni bawk Sudha Murty te an ni.

He hmalakna hi Pathiannia 'Mann Ki Baat' program a hmanaa thu a sawinaah a sawi chhuak a, mipuite chu thau lutukna laka an fihlimna tura fuihin eitur siam na atana hriak hmante chu zaa sawma ti tlem turin a fuih.