Defence Ministry leh BEL in Rs vbc 1,220 inremna ziak

Ministry of Defence chuan Bharat Electronics Limited (BEL), Bengaluru chu contract, Rs vbc 1,220 hu a ziahpui.

Contract an ziah hi Indian Coast Guard-te hman tur Software Defined Radios 149 leina tur niin, hei hi Buy(Indian-IDDM) category hnuaia mi a nih thu Ministry hian a tarlang.

Heng hmarua thar lei aṭang hian radio hmanga hna thawh ṭhinte chu rintlak zawk leh hman nuam zawk, ṭawngri hriat pawh a awlsam phah sawt thei dawn niin ministry chuan a sawi. "Hengte hian Indian Coast Guard hnathawh ril tak leh hmalaknate a tih hmasawn theih bakah, tuipui lama dan leh hrai kenkawhte, mi zawn leh chhanchhuahte, sangha mantu venhim, leh tuipui leh a chhevel venhim kawngah a puih bakah Indian Navy-te nen thawh hona awlsam a thlen thei dawn" tiin ministry hian a sawi.

Atmanirbhar Bharat hmalak tawhna zulzuiin, he contract thar hian ramchhungah sipai tana inbiak pawh theihna ṭha neih theihna kawngah a pui anga, chumai niloin hnathawh tur siam belhin, hmalam huna chhawr ṭangkai theih mi thiam bik a chher chhuah theih phah dawn a ni.

Ministry thuchhuah chuan,"Project hian Coast Guard -e hnathawh kalhmang a tih changtlun bakah, India sorkarin Blue Economy hmalakna tur a duante thawh theih a nih nan tuipui lam venhimna tihchakna ṭha tak tur a ni" tiin a tarlang.