Qatar lal Sheikh Tamim leh PM Modi inkawm

Prime minister Narendra Modi leh Qatar lal Sheikh Tamim Bin Hamad Al Thani te chu Hyderabad House, New Delhi-ah nimin, Thawhlehni khan ram aiawh mi pawimawh tak takte nen an inkawm. Ram pahnih thawh dunna tur hrang hrangte an sawi a ni.

Inkawmnaah hian union minister hrang hrang - Hardeep Puri, Piyush Goyal, Nirmala Sitharaman, Mansukh Mandaviya leh PK Mishra-te chu India aiawhin an tel. Sumdawnna, energy, investment, innovation, technology, food security, culture leh mipui leh mipui inkar tih hmasawn na tur chungchangte an sawi ho.

Ram pahnih aiawhte hian sumdawnna, technology leh investment huanga thawhdunna tur, Memorandums Of Understanding (MoUs) an ziak nghal bawk.

Chhiah lakna hrang hrang chungchangte sawiin, inremna an neihte ti chhe lo zawnga ruahmanna siam a, insumdawn tawnna tih changtlunna atana Free Trade Agreement(FTA) neih ṭul an tih thu te an sawi.

Qatar lal Sheikh Tamim hian PM Modi sawmna ti hlawhtlingin India hi a rawn tlawh a, ṭum hnih a rawn tlawhna niin March 2015 khan India hi a lo tlawh tawh a ni.