Ruihhlo hmanga sumdawnna kawnga bultumtu man

India hmar lam leh Himachal Pradesh khawpui, Shimla inkara ruihhlo tawlhna nasa tak leh ruihhloa sumdawnna lian taka a bultumtu, mi pahnih Sandeep Shah, Kolkata leh Neeraj Kashyap, South Delhi Mehrauli te chu Shimla police-ten an man. An mi mante kut aṭang hian ruihhloa sumdawnna hmanrua hrang hrangte man a ni bawk.

Shimla Superintendent of Police (SP), Sanjeev Kumar Gandhi tarlan danin, an mi mante hian online booking kaltlang hmangin social media platform hrang hrang leh, midang pawisawi lote acount dik lo taka hmangin ruihhlo te hi an zuar ṭhin. Heng ruihhlo zawrhte hi courier kaltlanga pek chhuah leh ṭhin niin a sawi.

Chhuichianna an neih aṭangin Shah-a ID lem hman, virtual number leh phone eng emaw zat leh sim card, ruihhloa sum dawn nana hmante an man tel. Sumdawnna aṭanga a sum hmuh Rs vbc 1.2 chu Shah account aṭang hian an man chhuah bakah account dang chhuichian tur pawh an hmuhchhuah belh bawk.

Police-te chuan an mi mante lakah hian thubuai, NDPS Act-a Section 21(Punishment for contravention in relation to manufactured drugs and preparations), 29 (Ambetment), leh BNS(Oganised Crime) Act-a Section 11 tlawhchhanin thubuai an siamsak.