Police-in ruihhlo tawlhna kawng dang, mi 2 an man

Jammu and Kashmir-a Srinagar police-te chuan ramchhunga state leh state inkara ruihhlo tawlhrukna thlentu kawng dangchatin hemi kaihhnawihah hian mi pahnih, Delhi leh Uttar Pradesh mi te chu an man tel. Beihpui hi thlak chhunzawm zel niin mihring leh ruihhlo man pawh a pun ngei rin a nih thu official-in an tarlang bawk.

Police official-te chuan ram chhunga ruihhlo thawn darhtu ber pahniha ngaih, Raju Gupta, UP-a Bareilly-a cheng leh Mohammad Abrar, Delhi-a Bhajanpur-a chengte chu an inbiakna leh bank transaction-te kaltlang in man chhuah an nih thu an tarlang.

An mi man pahnih te hi tualchhunga ruihhlo zuar ṭhinte hnena ruihhlo zawrh tur thawndarh tu ber te nia ngaih an ni a, an pahnih hian Srinagar-a police team te chuan Uttar Pradesh leh Delhi-a ni 10 chhung zet chu tualchhung police-te puihna in zawn chhuah hna hi an thawk a ni.

Beihpui thlakna hi nikum November 8 aṭanga ṭan tawh niin ruihhlo zuar chhawngtu mi pathum an man tawh a, Codeine Phosphate bur 140, pawisa fai Rs 38,530, mobile phone pathum, leh ruihhlo leitu te enthlakna atana hman drone camera chu man tawh niin police official lam hian an tarlang bawk.