India-Bangladesh ramri chunchang inbiakna neih hun tur ti chiang

India leh Bangladesh-in Director General (DG) level-a ramri chungchanga inbiakna neih tum chu ṭum hnih ngawt sawn hlat a nih tawh hnuah February 16 hian Delhi-ah inbiakna hi neih a ni dawn tih an sawi.

Border Security Force (BSF) leh Bangladesh Border Guard Bangladesh (BGB) director-general level inbiakna neih turah hian ram pahnih aṭanga lut ru awm ṭhin te tih tawp a nih theihna tur atana ruahmanna siamin, ramhi hung dan turte an sawiho ang. Hei bakah Bangladesh tualchhung buaina chhuakah hnam leh sakhaw tlem zawkte himna chungchang pawh an sawi tel rin a ni bawk. Inbiakna neih tur hi nikum khan ṭum hnih ṭhulh a lo ni tawh a ni.

DG level a ramri chunchang sawina hun hi kumtin 1975 leh 1992 inkar khan neih a ni a, 1993 aṭang kha kum khata ṭum hnih neih ṭhin tawh niin, ram pahnih khawpui New Delhi leh Dakha ah te inbiakna hun hi hman ṭhin a ni. Inbiakna neih hnuhnung ber hi Dhaka ah nikum March thla khan neih a ni a, kuminah New Delhi-ah neih a ni ve thung ang.