PM-in indo lawnglian hlanna hun hmanpui

Indian Navy indo lawng lian INS Surat, INS Nilgiri leh INS Vaghsheer te chu Nilaini khan Naval Dockyard, Mumbai ah Indian Navy te hman tura hlan a ni. Indo lawnglian hlanna inkhawm hi prime minister Narendra Modi pawhin a tel pui a ni.

Indo lawnglian pathumte Indian Navy hman tur atana hlan thar chungchang hi Modi chuan X ah sawizuiin, heng indo lawngte hi India-in defence lamah tha chak tak a nei tih lan tirtu leh khawvel huap pawha mahni ke a ding thei a nih zia tilang tu tur a ni, tiin Thawhlehni khan a tarlang.

Navy chuan indo lawnglian hlan thar hi thil hriatreng tlak leh chhinchhiah tlak tak a nih thu an sawi a, heng lawngliante hi ramchhunga siam niin Indian Navy-a Warship Design Bureau in an design bakah Mazagon Dock Shipbuilders Limited (MDL) te kutchhuak niin, thiamna leh hmanrua changkang ber ber te hman a nih thu an sawi.

Indo lawnglian hian enchhinna hrang hrang leh zirchianna te a paltlang vek hnu ah buaina leh harsatna awm loa hman theih tur a peih fel a ni. Heng Indo lawnglian pathum hlan thar hian Navy lam thahrui chu nasa takin a tih chak phah thei dawn niin official-te chuan an sawi bawk.