Chhattisgarh zirtirtu lungawi lote Congress in thlawp

Congress party chuan Chhattisgarh-a zirtirtu 3,000 ten an hna aṭanga ban an nih chungchang lungawi lohna an lantir chu an thlawp tih an sawi. Zirtirtu ban takte harsatna tawh mekah BJP chu a mawhphurtu nia puhin, an hna aṭanga ban zirtirtu leh ṭhalai te dinhmun ṭha loa dahtu an nih thu a sawi a, Narendra Modi kaihhruai sorkar chuan ṭhalaite chu 'hna nei lo leh dinhmun ṭha lo ah a dah' tiin an puh.

Zirtirtu 3,000 chuang an hna aṭanga ban an nih chungchangah hian Congress president Mallikarjun Kharge chuan X ah video tarlang in zirtirtu ban takten lungawiloh na an lantir lai chu dah chhuakin, an lungawilohna lan tir chu a thlawp thu a sawi bakah,"Modi kaihhruai sorkar BJP chuan ṭhalai tam tak chu hna nei lo in dinhmun ṭha lo takah a dah a ni" tiin a tarlang.

BJP rorelna, Haryana pawh exam paper put rukna hmun a nih thu leh he thil hi a tak a ni tih entirna hnaivai ber chu Rohtak-a MBBS paper put rukna thleng chu a ti chiangtu a ni tiin Kharge hian a sawi bawk. " Double engine government hian ṭhalaite chu a bei a, a beihna hmasaah chuan paper put ru hmangin a ni a, a beih vawihnihnaah chuan BJP rorelna state ah te hna thawh tur a vang a, reserve seat-te pawh hnawh khah lohin a awm. Heng hmang hian ṭhalai tam tak suangtuahna an ti chhia a ni," tiin Congress president hian a sawi.

Priyanka Gandhi pawhin Chhattisgarh-a zirtirtu lungawi lohna lantir chungchang sawiin, rorel lai BJP chuan hmalam huna in nghahna tur ṭhalai rualte chu hmun thim takah a dah a ni a ti a, X kaltlangin na takin an thil tih dan hi a sawisel zui."Zirtirtu hna ruak post 33,000 chuang state chhungah a awm thu an sawi bakah hna nuai khat pek an tiam bawk. Mahse heti chung hian zirtirtu 3,000 lai chu ban an ni, hei vang hian hmeichhiate chuan khawvawt tak hnuaiah khawlaiah lungawi lohna an lan tir a ngai hial a ni," a ti.

Uttar Pradesh, Madhya Pradesh, Bihar leh Chhattisgarh-a ṭhalai eng emaw zat chuan BJP laka eirukna leh hna thawhtur vang te avangin lungawi lohna an lan tir mek niin Priyanka Gandhi hian a tarlang bawk. Chhattisgarh-a assistant teacher-te chu an dinhmun a ṭhalo hle a, heng te hi Supreme Court in thutlukna a siam hnua thleng niin heng te avang hian a chhan leh a vang hriat tum leh an hnate humhim tumin zirtirtu ten a bei nasa hle. Zirtirtute hian sorkar laka dikna an chan theih nan hian "Dandavat Yatra", bawkkhupa in phah hniam chungin a thil ngiatte an lan tir a ni.