PM Modi-in ‘Mission Mausam’ a tlangzarh dawn

Prime Minister Narendra Modi chuan ram pum huap “Weather-ready” leh “climate-smart” nation-a siam tumna 'Mission Mausam' chu vawiin hian New Delhi-ah a tlangzarh dawn a, hei hi a India Meteorological Department din vawi 150-na puala inkhawm buatsaihah hawnna neih a ni ang.

"Mission Mausam" hian a tum ber chu weather surveillance technology leh system hmasawn tak tak siam te, high-resolution atmospheric observation, next-generation radar and satellite leh high-performance computer hmang tea siam tum a ni.

Sik leh sa inthlak leh boruak inthlak danglam da hriatthiam theihna tihchangtlun chu a tum ber a ni a, boruak quality data a pe chuak thei niin, hei hian hun rei tak chhunga weather management leh intervention strategy siamna kawngah a pui dawn niin an tarlang bawk.

IMD Foundation Day vawi 150-na lawmna atan hian a hlawhtlinnate pholanna tur te, India ram climate-resilient a siamna kawnga a chanvo te pholanna leh khaw lum leh khaw vawt chungchanga service hrang hrang pek kawnga sorkar institution hrang hrangte chanvo pholanna hun te, activity leh workshop hrang hrang te buatsaih a ni dawn a ni.