Firfiak pawl nuaibo zinga 60% chu Pakistan chhuak

Indian Army Chief General Upendra Dwivedi chuan nimin khan India hmarlam ramri dinhmun chu a sensitive hle mah se a nghet tawk hle tih a sawi. New Delhi-a Manekshaw Centre-a Annual Press conference neihnaah Ladakh hmarchhak lama Depsang leh Demchok-ah te chuan hnam bik hmunah te chuan patrol leh ran vulh ṭan a nih leh tawh thu a sawi.

Kan deployment hi a inthlau a, a nghet hle a; eng dinhmun pawh kan buaipui thei a ni, tiin Dwivedi chuan Ladakh hmar lama Line of Actual Control (LAC) bula thil awm dan chungchang a sawi. Army Chief chuan ramri a infrastructure tihchangtlun, capability tihhmasawn te chu an ngaih pawimawh a nih thu a tarlang.

Pakistan nena Line of Control-a inkahhai chu tihtawp a ni a, mahse inrawlh tumna erawh a la awm chhunzawm zel niin General Dwivedi chuan a sawi bawk. Pakistan lam aṭangin firfiak te infrastructure ningnawi chu a la awm reng thu sawiin. Kum kal ta chhung khan firfiak pawl nuaibo zinga 60% chu Pakistan ram mi leh sa an ni tih a sawi bawk.