Defence ministry-in Army-a post thar siam remti

Defence ministry chuan Indian Army-ah post thar, deputy chief for military operations and strategic planning siam a remti. Hei bakah hian post thar dang, director general of information warfare siamna tur pawh buaipui chhoh a remti bawk a ni. 

Ministry hian nikum khan a thuphungin  heng post pahnih siam thar hi a remtih thu a lo sawi tawh a ni. Deputy chief for military operations and strategic planning hi military operation, military intelligence, strategic planning leh operational logistics chungchang buaipui tur bik a ni dawn a, Army-a deputy chief pathumna a ni ang. He post-ah hian Director General of Military Operations (DGMO) Lt Gen Paramjit Singh chu dah tum nia sawi a ni.