Delhi Assembly inthlan tur atan AAP in candidate list ti chhuak

Aam Aadmi Party(AAP) chuan nimin, Pathianni khan Delhi Assembly inthlan, nakkum February-a neih tur atana an candidate final list an ti chhuak. List-ah hian candidate 38 tarlangin, an chuhna tur bial hrang hrang nen tarlang nghal a ni.

AAP hian a zawna term thum Delhi-a rorelna an chelh hnuin, nakkuma inthlan lo awm turah pawh hnehna chan leh ngei tumin ṭan an la a ni. Nakkum inthlan neih tur atana candidate list an tih chhuahah hian AAP national convener Arvind Kejriwal chuan New Delhi constituency-ah a chuh dawn a, chief minister Atishi chu Kalkaji bialah a ding ang.

Minister Saurabh Bharadwaj, Gopal Rai, Imran Hussain, Raghuvinder Shokeen leh Mukhesh Kumar Ahlawat te chuan Greater Kailash, Babarpur, Ballimaran, Nagloi Jat leh Sultanpur Majra bialah te an chuh dawn tih tarlan a ni bawk.

AAP hian 2020 inthlan ah khan Delhi-a seat 70 awmah seat 62 la in India khawpui ah thuneitu nihna chiang takin an la a ni. Nakkum inthlanah hiansorkar zawm zel turin an ṭha tawk em tih fiahna an hmachhawn dawn a ni.