AIIMS leh Wipro ṭangkawpin AI Health Innovation Hub hmang dawn

All India Institute of Medical Sciences(AIIMS) leh Wipro GE Healthcare Pvt. Ltd., nen AI Health Innovations siamna tura thawhdunna, Memorandum of Understanding (MoU) chu kar liam ta Zirtawpni khan an ziak.

AI Health Hup kaltlang hian hmasawnna hrang hrang kalpui dan tur ruahman niin, harsatna hrang hrang hmachhawn a chinfeldan te, healthcare service ṭha zawk pek chhuah bakah he hna thawh kaltlanga in enkawldan ṭha leh changtlung zawk duan chhuah tum a ni. In enkawl dan mumal zawk leh kalphung ṭha zawk siam a, a taka hman theih tur damlo te data mumal enzui theihna chhawpchhuah tum a ni bawk.

He ruahmanna kalpuina atan hian Wipro GE Healthcare hian kum nga chhungin Rs mtd 1 a ruahman dawn a, hei hian test leh intelligent system dahna bakah cardiology, oncology, leh neurology lama hna thawhnaahte hmsawnna a thlen ngei rin a ni. Organisation pahniha joint working committee chuan hna thawh leh hmasawnna hrang hrangte hi vilin an endik reng dawn a ni.

AIIMS director M Srinivas chuan Wipro GE Healthcare nena an thawh dunna hian ramchhungah hriselna chu kawng hrang hranga a tih hmasawn theih a rin thu sawiin,"He hmalakna hi Viksit Bharat a lo thlen theihna tur a healthcare tih changtlunna tur a ni" a ti.