ACB-in Haryana Women Commission hotu leh driver man

Haryana-a Anti-Corruption Bureau(ACB) chuan Inrinni liam ta khan thamna dawnga puhna kaihnawihah Haryana Women Commission vice chairperson Sonia Aggarwal leh a driver Kulbir te an man. ACB team hian Kulbir hi thamna pawisa cheng nuai khat a dawnglai an man niin an tarlang.

ACB hnena complaint thehluttu chuan a nupuiin November 25 khan an nupa intihbuaina chungchangah Haryan Women's Commission-ah hian complaint a thehlut a, hemi chungchang an ngaihtuah lai hian Aggarwal driver, Kulbir hian a buaina chinfel sak a nih theihnan pawisa pe turin a phut tih a sawi. Hemi hnu, December 12 khan Aggarwal pawhin a driver, Kulbir hnenah Rs nuai 1 pe turin a hriattir a ni, a ti.

Hemi chungchang hi ACB ah a thlen hnuin, ACB hian thang kamin, December 14-a Kulbir-a'n thamna pawisa a dawng lai chu Hisar-a Jindal Park bulah an man a, Aggarwal hi Kharkhoda aṭangin an man leh bawk. Eiruk thubuaia thubuai siamsak an ni nghal a ni.ACB team hian case chhuichian hna an thawh chhunzawm zel thu a tarlang bawk.