Reserve Bank of India-in bomb hmanga bum tawk ve leh

Reserve Bank of India (RBI), Mumbai chuan nimin Zirtawpni khan bomb hmanga tih ṭhaihna an tawk ve leh. He bumna hi email hmanga thawn niin a thawntu hi hriat a la ni lo. Police-te chuan thubuai ziak lut nghalin an chhui chiang mek a ni.

He thil thleng hi tunlaia India ram chhung hmun hrang hranga in tihṭhaihna thleng te nena in kaihhnawihna neia rin a ni. Mumbai police chuan," In tihṭhaihna email hi RBI official website-ah email a dawn niin, he email hi Russian ṭawnga ziah a ni. Bank chu bomd darh vek tum a nih thu in ziakin, case hi a ti tu hriatloh lakah Mata Ramabal Marg(MRA) police station ah ziah luh nghal a ni," an ti.

Nimin vek khan Delhi-a sikul parukah chuan email in bomb hmanga in tih ṭhaihna hi a thleng ve bawk. He thil thlen rual hian venhimna chu khauh taka kalpui nghal niin, Delhi Fire Brigade leh police ten rang takin sikul awmna te hi an thleng a, uluk taka endik a nih hnuah thil hlauhthawnawm engmah an hmuh loh thu an tarlang.

Bomb awm anga tih ṭhaihna tawk sikulte hi Bharat Public School Paschim Vihar, Cambridge School Srinivaspuri, Delhi Public School- East of Kailash, Delhi Public School- Defence Colony a mi, Delhi Police School Safdarjung Evclave leh Venkatesh Public school - Rohini ahte niin, tunkar chhunga sikul a bomb hmanga in tih ṭhaihna thlen vawi hnihna a ni.