UN General Assembly-ah India-in Gaza-a inkahhai puanna thlawp

Member 193 awmna, United Nations General Assembly 10th emergency special session, Nilainia neih takah Indonesia in a put luh, Gaza-a inkahhai puan phutna chu ngaihtuahin vote lak a ni a, India chuan resolution thlawp lamah a vote.

Indonesai resolution put luhah hian Gaza Strip-a a rang thei anga bera inkahhai puan leh, Gaza-a mi hreng zawng zawngte chhuah zalen tura phutna pawh a tel. Hei bakah hian Israel-in Gaza-a Palestinian-te chhawmdawlna hnathawktu, UN agency a lo hnawl tawhna sut tura phutna pawh a tel. Resolutoin hi ram 158 in an thlawp a ni.

Resolution thlawp lo lamah hian ram pakua in an vote ve bawk a, an zingah hian Israel leh US te an tel, Ram 13 lai chuan he resolution chungchangah hian ngaihdan nei loin an hai thung a, heng zingah hian Albania leh Ukraine te an tel.

UN General Assembly-ah hian Senegal chuan Palestinian kaihhnawih resolution a pu lut ve bawk. An resolution put luh hi "Peaceful settlement of the question of Palestine" tih niin, Thawhlehni khan ngaihtuah ani a, member 157 in an thlawp a ni. India pawhin a thlawp lamah a vote a ni.