Anti-Terror Agency-in hmun 19 an dap

National Investigation Agency(NIA) chuan ram chhunga state pangaa hmun 19 ah Jaish-e-Mohammed (JeM) helpawla inhnamhnawihte dap chhuah hna thawkin beihpui an thlak.

He beihpui thlakna hi nimin zingkar aṭang khan neiin Jammu and Kashmir, Assam, Maharashtra, Uttar Pradesh, leh Gujarat ah te an nei. Helpawl leh rawlrala chetna thlen thei thil tih remna tur atana hmalakna kal zel a nih thu an tarlang.

Anti-Terror Agency hian beihpui an thlaknaah hian mipakhat man in an mi man hi Sheikh Sultan Salah Uddin Ayubi, Ayubi ti a koh a ni. Ayubi hi hmun 26 chuang dap a nih hnua man niin thuneitute hnenah hlan nghal a ni a, pawikhawihna hrang hrang kaihhnawihah thubuai siam sak a ni. NIA chuan an mi man JeM nena inzawmna nei, helpawl pawikhawihna leh ngaihdan thehdarh bakah thalai helpawla lakluh kaihhnawiha in hnamhnawihna a nei niin an sawi. Beihpui thlaknaah hian mi eng emaw zat chu thu zawhfiah turin man an ni bawk.

NIA team hian beihpui an thlaknaah hian pawikhawihna kaihhnawiha hman nia rinhlelh hrang hrang - document, electronic device, pamphlets leh magazine te an man tel bawk a ni.