International Space Station-ah Indian Astronaut

Indian Space Research Organisation (ISRO) leh NASA thawhdunna, joint astronaut mission hnuaia International Space Station-a zinna turah Indian astronaut a tel dawn.

He mission hi nakkum 2025 April leh June inkara neih tura beisei a ni a, 'Mission Akash Ganga' tih vuah a ni.

International Government Business, Axiom Space director, Indian-American Ahmedabad a piang Pearly Pandya chuan Chandrayaan-3 mission khan India chu space super power ah a hlangkai a ni, a ti. Axiom-4 mission ah hian group captain Shubhanshu Shukla chu Indian astronaut zinga van boruaka in kapkai thei pahnihna a ni dawn a, a hma hian 1984 khan Rakesh Sharma chu van thengrengah a lo zin tawh bawk.

Pandya hian Shubhanshu Shukla chuan he spacesraft hi a khalh dawn a, America-a astronaut tawnhriat nei ṭha kum 64 mi, Dr Peggy Annette Whitson chuan a ho dawn a ni. Group captain thachhangdawltu tur Prasanth Balakrishnan Nair pawh a tel dawn a, tunah hian training chu Axiam Space hnuaiah an neih mek thu a tarlang.

He mission atan hian Axiom official chuan SpaceX Falcon-9 rocket leh Crew dragon Capsule te chu an hmang dawn tih an tichiang tawh a, astronaut te hian NASA hnuaia Johnson Space Center ah training an nei mek a ni. Axiom-4 mission neih aṭanga ni 10-14 inkar ah hian astronaut te hian biomedical research, human health research, technology demonstration leh STEM (science, technology, engineering and mathematics) te chu an buaipui nghal dawn niin Pandya hian a sawi.