UP, Kerala, leh Punjab-ah by-election hun sawn hla leh

Political party eng emaw zat in harsatna awm theite an thlen hnuah, Election Commission of India chuan Kerala, Punjab leh Uttar Pradesh-a assembly constituencys 14-a by-election neih hun a sawn hla.

State pathuma November 13-a by-election neih tura tih chu November 20-ah sawn hlat a ni a, vote tla hi November 23-ah chhiar a ni ang.

Inthlan neih tura chuh tum party hrang hrangte chuan inthlan hun tur hi kut hrang hrang - Kalpathi Rastholsavam(November 13-15), Kartuk Purnima(November 15) leh Prakash Purab of Sri Guru Nanak Dev (November 15) nenan inhnaihvai hle a, heng kut hmang tura inpuahchah voter eng emaw zat a tih buai theih dawn avangin inthlan hi sawn turin an ngen a ni.

Poll Panel chuan national leh state party-te a aiawh ten inthlan sawn tura ngenna hi an theh lut tih sawiin,"Sakhua leh hnam nunphung nghawng thei thil tam tak nen a innang a,mipui tam takah remchan lohna leh harsatna hrang hrang thlenin vote thlak an kiam a hlauh thawnawm thei a ni" tiin inthlan sawn hla tura an ngenna chhante a sawi.

By-election hi Uttar Pradesh-ah assembly constituency pakua, Punjab-ah pali leh Kerala-ah pakhatah neih tur a ni.