Delhi-ah Asian Buddhist Summit hmasa ber nei dawn

India sorkar leh International Buddhist Confederation(IBC) thawkdunin an buatsaih, Asian Buddhist Summit(ABS) hmasa ber chu vawiin aṭangin Delhi-ah neih a ni dawn. He summit thupui atan hian ' Role of Buddha Dhamma in Strengthening Asia' tih hman a ni.

President Droupadi Murmu chuan ni hnih awh tur summit a hawng dawn a ni. He hunah hian Buddhist 'Sangha' leader, scholar, expert leh zirtirna pe ṭhin tu Asia hmun hrang hrang aṭang an kal khawm dawn a, Buddhist sakhua in kawng hrang hrang a harsatna a tawh te an sawi ho ang.

He summit neih tur hi India-in Act East Policy a kalpui mek tih hlawhtlinna kawng khat niin, "Act East Policy hian huang zau tak neiin, Asia chhungah sakhaw lam hmasawnnate thlen a tum tel a ni tiin" Union Culture Ministry chuan a tarlang.

Japan, South Korea, Sri Lanka leh Nepal aṭangin Buddhist scholar 11 chuan nikum October 25 - November 3 chhung khan India-a Buddist hmun hluite an rawn zirchiang tawh bawk a ni.