Uniform Civil Code-in tribal huam lo ang : Amit Shah

Union home minister Amit Shah chuan Pathianni khan Jharkhand-a inthlan lo awm turah BJP in hnehna an chang a nih chuan Uniform Civil Code(UCC) chu hman ni mah se tribal mite a huam loh tur thu a sawi

Amit Shah chuan Jharkhand assembly inthlan neih tur puala BJP manifesto 'Sankalp Patra' a tlangzarh a ni. "Kan sorkar hian UCC hi Jharkhand ah hian kan hmang ngei dawn a, mah se tribal te chu a huam ve dawn lo a ni. Hemant Soren leh JMM sorkar te chuan UCC chungchangah thuthang dik lo thehdarh in tribal rights, culture leh an tana duan dan leh hrai te nghawng tur anga an sawi chu thu belhchian dawl lo mai a ni a, tribal te chu a huam lo ang" tiin Ranchi-a hun an hmanah a sawi a ni.

Shah chuan BJP thlan tlin a nih chuan hna thawh tur nuai nga chuang siamin, heng zingah hian sorkar hna nuai 2.87 siam a ni dawn tih a sawi bawk. BJP chuan dan loa state chhunga lut te lak aṭanga ram chhuh let bakah, heng mite thawn chhuah leh dan pawh a buaipui dawn a ni, a ti.