UP CM thaha vautu Mumbai Police in man

Mumbai police-te chuan Uttar Pradesh chief minister Yogi Aditynath thaha vautu, hmeichhia kum 24 mi Fatima Khan chu an man.

Fatima Khan hi Bsc Information Technoly zir zo tawh niin, Maharshtra-a Ulhasnagar hmunah a chhungte bulah a cheng mek. Rilru lamah harsatna a nei niin police hian an tarlang

City Police traffic control room chuan number hriat loh aṭangin message hi dawngin, 'Adityanath hi CM aṭanga a ban loh chuan NCP leader Baba Siddique ang khan thah a ni ang' tiin a rawn sawi a ni. Police-te chuan chhui chiang nghalin, message thawntu hi Khan hi a ni tih an hrechhhuak ta a ni.

Mumbai Anti-Terrorism Squad(ATS) leh Ulhasnagar police ṭangkawp chuan hemi chungchang hi zau zawkin an chhui zui mek tih an sawi. October 18 khan Mumbai police te chuan Bollywood actor Salman Khan chu Rs vbc 5 pe tura vauna message an lo dawng tawh bawk.