ICSSR-in 7th CPC pay hmang turin phut

Indian Council of Social Science Research (ICSSR) institution-a thawkte chuan Minister of Education Dharmendra Pradhan hnenah lehkha thawnin, 7th Central Pay Commission revised pay scales hmang an phut.

Sorkar laipui chuan kum riat liamtaah khan 7th Central Pay Commission revised pay scales hi a lo puang tawh a, mahse tun thlengin hman lohin tihkhawtlai a la ni.

ICSSR hi social science research neihna niin Ministry of Education hnuaiah a awm a, ramchhung hmun hrang hrangah institution 24 a nei.

Minister hnena lehkha an thehluhah hian centrally funded academic institution-te chuan kum 2016, January thlaa Ministry of Eductation-in hriattirna a tih chhuah hnualawkah 7th CPC hi an hmang nghal mai tih an sawi. Heth lai hain ICSSR chuan tun thlengin pay scale thar tur hi an la nghak niin an tarlang.

ICSSR hnuaiah hian kum nga liam ta chhung khan research 1,452, PhD 121 leh working papers 1,271 publish tawh niin academic book 591 an ti chhuak bawk. Research project thawh lai mek hi 1,829 an nei bawk a ni.

Education Minister hnena an lehkha thawnah hian 7th CPC scale an hman mai loh avangin thawktu eng emaw zat chu an hna aṭanga bangin hnadang zawm ta an awm tawh tih an tarlang bawk. " 6th pay commission kha rang taka hman nghal a nih laiin 7th pay commission hmang turin nghah tir reng kan ni bik" an ti.