Manali-ah foreign paraglider 2 an thi

Himachal Pradesh-a Manali tlangruamah darkar 48 chhungin foreign paraglider pahnihin nunna an chan. Nunna chante hi Belgium leh Czech Republic paraglider an ni.

Paragliding World cup 2024, November 2-a Bir-Billing a awmtur atana inbuatsaihnaah paraglider pahnihte hi Thawhlehni leh Nilaini khan an thi a ni. Intihsiakna neihna hmun tur hi 'paragliding paradise' tih a sawi hial a ni a, Himachal a Kangra district-ah a awm.

Czech Republic paraglider hi hmeichhia kum 43 mi, Dita Misurcova niin, Manali-a Marhi hnaih tlangruam ah hian chesual in, a parachute hi thli natak thawk thut avang hian control thei loin a chesual zui nia sawi a ni. Damdawi-in lama hruai ni mah se a nunna hi chhan hman a ni lo. Professional paraglider Misurcova hian kum 6 chhung experience a nei tawh a ni.

Belgian paraglider Feyaet, kum 60 mi Thawhlehni a thi pawh hi boruak a Polish paraglider nen an insut buai avang hian Bir-Billing ah hian an chesual a, an insut buai hnu hian a parachute spare pai chu a in kapparh theih loh vangin a nunna a chan phah niin Deputy Dorector, Tourism Vinay Dhiman chuan a sawi. Russia mi Aleksei Kozlochkov kum50 mi pawh Thawhṭanni khan heart attack vangin Bir-billing-a a hotel ah a thi a ni.

Paraglider pathum Russia, Poland, leh India mi te chuan nikum October 2023 khan karkhat chhungin nunna an lo chan tawh bawk.