Ayodhya-ah Guiness record 2 siam

'Deepotsav-2024' chu Nilaini khan Ayodhya-ah hman a ni a, Guiness World Records pahnih an siam. 'aarti' hmang tam ber leh, khawnvar (oil lamp) chhit tam lamah record hi an siam a ni.

Sarya lui kamah world record pahnih hi siam a ni a, sakhaw hotu 'vedacharyas' 1,121 te chuan 'aarti' hmangin, oil lamp nuai 25 chuang chhiat a ni bawk. Guinness World Records adjudicator, Pravin Patel leh Guinness Consultant Nischal Bharot enfiah turin an hun hmanna hi a hmunah an tlawh. Nilaini zan khan world record an siam thu hi an puang nghal bawk.

A hmaa oil lamp chhit tam ber record chu kum 2023-a Deepotsav hman ṭuma 22,23,676 an chhit kha a ni a, mahse kuminah an khum ta a ni.