Nepal pawisa note-ah India ram chin dah tel

Central bank of Nepal, Nepal Rastra Bank(NRB) in rupees 100 note thar a siam tura anram map a dahah India ram chin dah tel a ni. Pawisa note print tur hian China company chu contract pek a ni bawk.

Nepal Council of Ministers chuan rupee 100 note thar tur design hi a pawm tawh a, hetah hian hmun pawimawh pathum - Limpiyadhura, Lipulek, leh Kalapani chu Nepal huam chhung angah dah lan an ni. Hetih hian India chuan Nepaol khawthlang lam ramri bula Lipulekh, Kalapani leh Limpiyadhura chu India huam chhung niin a sawi thung.

China Banknote and Minting Corporation chu tender hmangin pawisa note print tur hian thlan a ni. NRB hian company hnenah hian 100 rupee note hi design tura tiin, note mtd 300 chu print a, supply turin a ti. Hemi atana a senso hi USD mtd 8.99 vel tur nia sawi a ni.

Nepal hian India nen hian ramri km 1,850 a thui inṭawmin India state panga -Sikkim, West Bengal, Bihar, Uttar Pradesh leh Uttarakhand te ri hian a tan tlang. Nepal pawisa note thar design hi India chuan na takin a sawisel nghal a, hetiang lem tak maia an ram zauh an tumna chu an pawm dawn lo tih a sawi.