India-in kuta ken theih X-Ray khawl siam chhuak

India chuan kuta ken mai theih X-ray khawl, TB screening theihna tur a siam chhuak.

Indian Council of Medical Research (ICMR) Director General Dr Rajiv Bahl chuan tuberculosis (TB) natna enkawl chungchanga an project leh hlawhtlinna neihte a sawi a, kuta ken theih X-ray khawl siam chhuah a nih thu hi a sawilang a ni. He khawl hi TB screening na tura siam niin, hei hian vantlang hriselna tihhmasawnna kawngah a pui hle dawn a ni, a ti.

Dr Rajiv Bahl chuan 19th International Conference of Drug Regulatory Authorities (ICDRA) INDIA-2024 Nilaini a neihah x-ray khawl chungchang hi a sawi chhuak a ni. IIT Kanpur leh ICMR thawk dunin an siam chhuah niin, "Rang taka natna hmuhchhuah kawngah leh in enkawl ngaihna rang taka hriat theihna tur atan leh damlo te TB an vei em tih chu an chenna ah kalin man tlawm zawka endik theih a ni tawh dawn a ni," tiin a sawi.

Hei bakah hian India chuan Mpox testing kits chi thum a siam chhuah tawh thu Dr Bahl chuan a sawi bawk. India ah hian mipui maktaduai tam takin Sickle Cell Disease vei awmin khawvelah India chu vei tam pahnihna ni mekin hei vang hian PM Modi pawhin National Sickle Cell Anaemia Elimintaion Mission a lo hawng tawh a, he mission hmang hian he natna hi 2047 hmaa umbo hman tum a ni.