NCERT leh Amazon thawk dun

National Council for Educational Research and Training (NCERT) leh Amazon Seller Services Pvt. Ltd. chu NCERT textbook te awlsam zawk leh man dik taka lei a nih theihna turin an thawk dun.

Education Minister Dharmendra Pradhan chuan India ram pumpuia pincode 20,000 chuang a huam tur thu tarlangin, " NCERT chuan academic year 2025-2026 chhungin lehkhabu chhuah leh tlangzarh chu a let thum, vaibelchhe 15 a ti thei dawn a ni," a ti.

Pradhan hian e-book te chu AI hmanga tihhmasawn a nih tur thu sawiin, heng atan hian zirlai maktaduai 300 chuang te tana lehkhazir nawm na turin lehkhabu ṭangkai theite buatsaih tum a nih thu a sawi bawk.

Ministry chuan Amazon delivery kaltlang hian zirlai leh sikul hmun kilkhawra awmte pawhin awlsam tak leh man màn zawkin textbook te an lei thei dawn a ni tiin, " Hei hian supply-a harsatna te, lehkhabu chatlak, leh textbook indaih lohna avanga zirna khaihlak te chu a ti bo ang" tiin an tarlang

An thawhdunna hmang hian NCERT textbook original-te chu Amazon-ah hralhchhuah a ni anga, dan loa zuarchhawng leh man to taka hralh ṭhin te chu ti bo turin Amazon chuan NCERT chu a pui dawn a ni.