Lahore-ah BSK leh Pakistan Rangers-te inbia

Pakistan-a Lahore khawpuiah July 25-28 chhung khan Border Security Force leh Pakistan Rangers hotute an inbia a, ramri-a inkahhai puan palzut a nih dante, dan kalha ramri paltlang leh ruihhlo tawlh≠ruk chungchangte an sawiho.

BSF aiawhte hi Director General KK Sharma-an a ho a, Pakistan aiawhte hi Pakistan Rangers (Punjab) Director General Umar Farooq Burki-an a ho a ni.

Thuchhuah siamin BSF chuan, meeting chu boruak ṭha tak hnuaiah neih a nih thu a sawi a, nikum September thlaa Delhi-a meeting an neihah khan International border-a inkahhai puan chu ngaih pawimawh an duh thu pawh an lo sawi tawh a ni.

KK Sharma chuan ramri kaltlanga firfiakte chetvel venna tan leh, ruihhlo tawlhruk ṭhin dang tura ramri ven uluk a pawimawh thu te a sawi. Ram pahnih aiawhte hian ramri-a mahni ram lam ve vea venhimna khauh zawk kalpui dante an sawiho bawk.

Official-te chuan meeting neih hnuhnun ber aṭang khan International border-a inkahna thleng ṭhin pawh a ziaawm sawt hle niin an sawi a, mahse a ruka ramri kan tum leh ruihhlo tawlh≠ruk erawh chu buaipui a la ngai hle a ni. Kum 2015 meeting-ah khan ram pahnihte hian ramri-a civil mi chengte himna chu dah pawimawh an lo remti dun tawh a ni.

Ram pahnihte hian DG-level talk hi kum khatah ṭum hnih neih turin an lo rel tawh a, mahse meeting neih tur hi an inkar boruak ṭha lo avangin ṭum tam tak ṭhulh a lo ni tawh a ni. Meeting neih leh tur chu Delhi-ah nghah a ni ang.