Indian Airforce Chief thar Air Marshal Amar Preet Singh

Ace test Pilot Air Marshal Amar Preet Singh chu nimin, Thawhṭanni khan Indian Air Force Chief thar a ni ta. Air Chief Marshal kum thum chhung lo ni tawh V.R. Chaudhari a t hlak a ni.

Air Marshal A.P. Singh hi Vice Chief of the Air Staff a ni ṭhin a, mahse nimin chawhnu aṭagn khan a hna thar, Air Chief Marshal hi a chelh ṭan a ni.

A.P. Singh hi Otober 27, 1964 ah piangin December 1984 khan Indian Air Force hnuaia fighter pilot stream-ah a lut a, he hna kum 40 dawn a thawh chhung hian hna peng hrang hrang Command, Staff, Instructional leh Foreign appointment te a lo thawk tawh a ni. Singh hi National Defence Academy, Defence Services Staff College, leh National Defence College-ah zirin Qualified Flying Instructor leh Experimental Test Pilot a ni a, darkar 5,000 chuang flying experience a nei.

Fighter squadron leh frontline air base te a lo enkawl tawh bawk a, test pilot a nih lai hian MiG-29 Upgrade Management Team chu Moscow, Russia-ah a lo kaihruai tawh a, National Flight Test Centre-ah Project Director (Flight Test) niin, Light Combat Aircraft Tejas flight test pawh a nei a ni. Staff hna pawimawh hrang hrang chelh tawh bawkin, South-Western Air Command-ah Air Defence Commander leh Eastern Air Command-ah Senior Air Staff Officer a ni tawh a, hei bakah hian Air Headquarterr-a a awm hma hian Central Air Command-ah Air Officer Commanding-in-Chief a ni tawh bawk.