Rahul Gandhi-a'n ni thum cham turin US a tlawh

Congress party hruaitu, Rahul Gandhi chuan Pathianni, September 8 khan ni thum cham turin US a thleng. A cham chhung hian India leh America inlaichinna ṭha leh nghet zawk a awm theihna turin inbiakna leh sawihona ṭangkai tak a nei dawn nia sawi a ni.

Congress MP hi airport-ah Indian Overseas Congress chairman, Sam Pitroda leh India mi, USA-a awm ṭhahnem takin an lo hmuak.

Rahul Gandhi chuan India mi leh sa leh Indian Overseas Congress member-ten Dallas, Texas-a an hmuah leh dawnsawn danah a lawm hle tih a Facebook-ah a tlarnag. Lok Sabha-a Leader of Opposition, Gandhi chuan India leh US inzawmna tih nghet leh, thawhdunna awmze nei leh ṭha zawk a awm theih a beisei tih a sawi a, hemi atana sawihona hunan hman turte pawh a nghakhlel hle tih a sawi bawk.

Rahul Gandhi hian kum 2024 Lok Sabha inthlanpui neih hnua America a tlawh vawi khatna a ni a, official-a kal loin a mimal ngaih pawimawhna thil vang nia sawi a ni. Nimin khan Dallas, Texas-ah hun a hmang a, vawiin leh naktuk September 9-10 hian Washington DC-ah hun a hmang leh ang.