India leh U.S. in Quad Summit thlen hun tur in thleng

India leh United States chuan Quad Summit thleng tur zawk nihna in thlak thleng an remti a, kuminah chuan U.S. president Joseph Biden chuan an khua, Delaware-ah Quad Summit a thleng dawn a ni.

Quad Summit hi tun thla tawp lamah India ah ni loin, US-ah neih a ni dawn ta zawk a, India prime minister Narendra Modi, Australia prime minister Anthony Albanese leh Japan Prime minister Fumio Kishida te chuan US hi an pan dawn a ni. An inremsiamna angin India chuan 2025-ah summit hi a thleng ve thung dawn a, he hunah hian kumina US President thlanna neiha a tling zawk zawk, Donald Trump emaw Kamal Harris emaw zawkin an telpui tawh thung ang.

Quad Summit hian a tum bulpui ber leh chhan ber chu Indo-Pacific huama ram awmte thawhhona chungchang kawng hrang hranga tih hmasawnna leh tih chak niin, heng hna thawhna bung hrang hrang ngai hpwimawh tura tih chu Indo-Pasific huam chhunga ram awmte sik leh sa chungchang, hriselna lam, khuarel chhiatna thlenga chhawmdawlna pek, helpawl tukdawlna lam hna te, critical and emergency technology, infrastructure and connectivity leh maritime security te a ni.

Kumina summit hi Joe Biden hoa an neih hnuhnung ber tur a ni dawn a, ani bakah Japan prime minister Kishida pawh a dinhmun chelh aṭanga a inhnuhdawh tawh dawn vangin a telpui zawm thei dawn lo bawk. Quad Summit hi January thlaa neih tur kha ni mah se, Republic Day nena a in nan avangin sawn a ni a, hemi hnuah US leh India hian inthlan an hmachhawn dawn avangin rem lohna a awm chho leh a, hei vang hian tun thlaa neih tura tih tluk a ni ta a ni.