Brunei leh Singapore tlawh turin PM zin chhuak

Prime minister Narendra Modi chu August 3, Thawhlehni khan Singrapore leh Brunei Darassalam ram te chu tlawh turin a zin chhuak.

Prime Minister hian a zin chhuah hmain a X-ah tarlangin, "Tun nihnih chhung lo awm turah hian Brunei Durassalam leh Singapore te ka tlawh dawn a, India nena an inthlunzawmna thuk leh zual siam chu kan ngaihtuah ber tur a ni ang," a ti.

PM Modi hian nimin khan Brunei Durassalam a pan hmasa a, ram pahnihte hian kum 40 chhung chu palai intir tawn tawh mah se, Modi hi India prime minister zingah Brunei ram tlawh hmasa ber a ni. Brunei lal Sultan Haji Hassanal Bolkiah leh lal chhungkuaa mi pnawimawh tak takte nen ram pahnihte thawhdunna ṭha zawk neih dan turte an sawiho a ni. Brunei-ah hian India mi 14,000 vel awmin, an zingah hian doctor leh zirtirtu pawh eng emaw zat anawm a, Brunei pawhin an economy leh society tana India mite tha thawh avangin a ngaihluin a zah thiam hle a ni.

Vawiin hian PM hian Brunei aṭangin Singapore lam a pan leh nghal dawn a, kum ruk dawn hnuah a tlawh lehna hmasa ber a ni ang. Singapore president Tharman Shanmugarantam, prime minister Lawrence Wong, senior minister Lee Hsein Long leh emeritus senior minister Goh Chok Tong te nen inhmuhna remchang a neih beisei a ni a, hei bakah hian Singapore-a sumdawng liante a hmu bawk ang.

PM Modi chuan, " Ram pahnihte hi India-in Act East Policy leh Indo-Pacific Vision a neih mek atan hian an pawimawh hle a, ka zinna hian Brunei, Singapore leh ASEAN huam ang pawhin thawhhona chak zawk a siam ngei ka beisei a ni," a ti.