Kolkata Police HQs kawtah junior doctor-ten nawrh chhunzawm

Medical college hrang hranga junior doctor-te chuan Kar Medical College and hospital-a doctor zirlai pawngsual leh thah a nih vanga lungawi lohna lantirte chuan nimin, Septembmer 3 zing khan Kolkata Police headquarters, Lalbazar-ah kawng an zawh chhunzawm a, police commissioner Vineet Goyal chu bang turin an phut.

Doctor-te kawngzawh hi Thawhṭanni zan khan BB Ganguly Street-ah dan a ni a, mahse he hmunah hian zankhuaa an awm hnuin nimin zing khan Lalbazar lamah kawng hi an zawh chhunzawm leh ta tho a ni. Zirlaite hi vantlang leh institution danga zirlai eng emaw zatin an ṭawimawm bawk.

Kolkata Police-te chuan kawngzawhte lo danna tur hi siamin, ṭhahnem tak an duty a ni. Junior doctor-te hian police-te daidanna siamah hian rose sen leh hnungzang ruh lem tarin, hei hi polie-ten mipuite venhim chu an tihtur a ni tih a lantirna a ni.

Junior doctor-te hian doctor zirlai pawngsual leh thah a nih chungchangah, police commissioner Vineet Goyal hi bang turin an phut a ni. He pawikhawihna rapthlak tak thleng chungchangah hian acitivist, film director leh actor-te pawhin Kolkatta ah hian luungawi lohna lantirin rally lian tak an buatsaih bawk.

West Bengal Junior Doctors' Forum(WBJDF) thlawptute chuan police headquarters pana kawng zawhte dan an nih hnuah Police Commissioner lim an hal a,mitinte tan rorelna dik leh venhimna an phut thute an aupui bawk a ni. Pawikhawihtu chu hremna na thei ang ber pe tura an duh thu an au pui bawk.

Doctor-te hian August 9 zana pawikhawihna thleng chungchang chhuinaah, Kolkata police-te chu hna thawk ṭha tawk lo ah an puh a ni. He case hi Calcutta High Court chuan Central Bureau of Investigation (CBI) kutah a lo hlan tawh bawk.