PM Modi leh Vietnam PM inkawm

Prime minister Narendra Modi leh India ram tlawha rawn zin, Vietnam prime minister Pham Minh Chinh chu nimin, August 1, 2024 khan ram pahnihte tan inlaichinna ṭha leh zau zawk siam dan ngaihtuahin an inkawm.

Chinh hi Thawhlehni zan khan ni thum cham turin Delhi a rawn thleng a ni.

India leh Vietnam hian kum eng emaw chen aṭang khan inlaichinna ṭha tak an lo nei tawh a, India chuan nikum khan a in-service missile corvette INS Kirpan chu defence lama an thawhdunna tihngheh zelna turin a lo pe tawh a ni. Ram dang hnenah hetiang ralthuam a pekna hmasa ber a ni bawk.

Vietnam hi ASEAN (Association of Southeast Asian Nations) ram pawimawh tak niin, South China Sea region-ah China nen buaina an nei reng a ni. Heti lai hian India hian South China Sea-a Vietnam tuipui chinah tuialhthei lai chhuak turin project a kalpui ve mek bawk. Nikum khan ram pahnihte hian tuipui lama thawhdunna nghet zawk an lo siam tawh bawk a ni.