By-election neihah INDIA a che ṭha

State pasariha assembly seat 13-a by-election neihah eptu ṭangrual pawl, INDIA bloc an che ṭha a, seat 10 lain, BJP in seat pahnih an la a, independent candidate in seat khat a la ve bawk.

By-election hi July 10 khan neih a ni a, July 13-ah Election Commission of India chuan result a puang a ni. Inthlan hi West Bengal-a assembly seat pali, Uttarakhand-a seat pahnih, Himachal Pradesh-a seat pathum bakah, Madhya Pradesh, Tamil Nadu, Punjab leh Bihar-a assembly seat pakhatah ṭheuh neih a ni.

INDIA bloc member, Trinamool Congress chuan West Bengal-a seat paliah hnehna an chang vek a, Congress party chuan Uttarakhand leh Himachal Pradesh-ah seat pahnih ve ve lain, Aam Aadmi Party (AAP) chu Punjab-ah a chak a, Tamil Nadu-ah Dravida Munnetra Kazhagam (DMK) an chak bawk. BJP chuan Himachal Pradesh seat khat leh Madhya Pradesh ah seat khat an la a, Bihar-ah independent candidate a chak bawk.