SCO Meet hmang turin Russia-ah Rajnath Singh a zin
Defence minister Rajnath Singh chu Russia rama Shanghai Cooperation Organization (SCO) meeting-a tel turin a zin.
Rajnath Singh hi ni thum a cham dawn a, SCO meeting-a a tel bakah, Russia defence minister Sergey Shoigu kawmin, ram pahnihten defence lama thawhdunna zau zawk an neih dan turte a sawipui ang.
Meeting-ah hian China defence minister Gen Wei Fenghe pawh a tel dawn a, mahse India leh China inkar boruak ṭha lo mek avangin Rajnath Singh hian China minister hi a hranin meeting a neihpui dawn lo nia sawi a ni.
Ladakh-a ramri, Line of Actual Control (LAC) a ram pahnih sipai inkarah intih thiam lohna awm thar leh avangin remna kawng zawngin Thawhlehni kha brigade commander level inbiakna neih a ni a, darkar ruk zet sawiho mah se inremna mumal an la siam thei lo a ni.