Bengal Governor-in CM Banerjee lakah thubuai theh lut

West Bengal governor CV Ananda Bose chuan Calcutta High Court-ah an state chief minister, Mamata Banerjee lakah intihmingchhiat thubuai a thehlut tih a sawi.

Chief Minister Banerjee hian kar liam ta Ningania State Secretariat-a press conference a neih ṭumin, TMC MLA thlan thar pahnih te lak luh chungchanga an buaina a sawi chhuak a, Raj Bhavan-ah ni loin, West Bengal Assembly-a rinawmna thu tiamtir mai tura an ngen thute a sawi chhuak a ni. "Engvangin nge Raj Bhavan an kal kher ang? Governor chu Assembly-ah a rawn kal thei lo em ni? Thil thleng avangin hmeichhiaten Raj Bhavan kal an hlau tih pawh min hrilh a ni," a ti. He a thusawi avang hian Govenor chuan CM lakah thubuai hi a thehlut a ni.

May 2 khan Raj Bhavan-a contract-a thawk, hmeichhe pakhat chuan Govenor Bose hi mipat hmeichhiat lam hawia mawi lo taka a chet thu a sawi a, Kolkata police-te chuan hei hi an chhui chiang nghal a ni. Mahse Governor chuan an puhna chu phuahchawp mai a nih thu leh, Bengal-a eirukna leh tharum thawhna thleng ṭhin dodal tura a beih avanga amah dan beh an tumna niin a puh ve thung.

Governor thubuai thehluh hi nimin khan Calcutta High Court chuan a ngaihtuah a, vawiinah ngaihtuah chhunzawm a ni ang.