Delhi Water Minister Atishi damdawi-inah dah

Delhi khawpuiin tui indaih lohna avanga harsatna a tawh chingfel tura sorkar laipui phut a, tiam chin awm loa chaw ngheia nawrh huaihawt mek Delhi water minister Atishi chu a dinhmun a ṭhat loh avangin nimin zing khan Lok Nayak Jai Prakash (LNJP) Hospital-ah dah a ni.

Minister Atishi hian Delhi-in tui lama harsatna a tawh mek laia Haryana-a BJP sorkarin Delhi tana tui a pek tur zat a pek chhuah duh loh avangin, Haryana sorkar leh sorkar laipui nawrna atan chaw ngheiin an nuar a, nimin kha chaw a nghei ni ngana a ni. AAP hruaitu Saurabh Bharadwaj chuan Atishi blood sugar level hi 36-ah a tla thla a, hei vang hian LNJP Hospital-ah admit a ni tih a sawi.

Hetih lai hian Atishi chuan Haryana sorkarin a tui pek chhuah tur zat Delhi tana a pek hma leh, Hatnikund Barrage hawn anih hma chuan chaw nghei chhunzawm zel a tiam.